काठमाडौं । नेपाली कांग्रेस, जनता समाजवादी पार्टी र नेकपाका अध्यक्ष पुष्पकमल दाहाल प्रचण्ड तथा वरिष्ठ नेता माधवकुमार नेपाल समूहले संसद् विघटन गर्नु अलोकतान्त्रिक र संविधान विरोधी कार्य भएको निष्कर्ष निकालेका छन् ।

कांग्रेस पार्टी कार्यालय सानेपामा सोमबार बसेको तीन दलको बैठकले सरकारको सिफारिसमा राष्ट्रपतिले संसद् विघटन गर्नु अलोकतान्त्रिक र संविधान विरोधी कार्य भएको साझा निष्कर्ष निकालेको हो ।

संसद विघटनमा बिषयमा तीनवटै पार्टीले छुट्टाछुटै केन्द्रीय समिति बैठक बस्ने र त्यसपछि पुनः बैठक बसेर आगामी रणनीति तय गर्ने नेकपाका प्रवक्ता नारायणकाजी श्रेष्ठले जानकारी दिए । उनले संविधानमा नभएको धारणालाई आधार बनाएर संसद् विघटन गरिएको बताए ।

त्यस्तै काँग्रेस केन्द्रीय सदस्य रमेश लेखककाअनुसार नेकपा र काँग्रेस केन्द्रीय कार्यसमिति बैठकले प्रतिवादको पार्टी रणनीति बनाउने र त्यसपछि बस्ने सर्वदलीय बैठकले एकीकृत नीति लिने निर्णय भएको बताए । बैठकमा तीनै दलका शीर्ष नेताहरुको उपस्थिति रहेको थियो ।

Comments

comments