भक्तपुर । तामाङ भाषा र सांगीतिक क्षेत्रमा मायाप्रेमको भाव बोकेको नयाँ तामाङ गीत ‘दोङराप स्हेङला मायाला’को म्युजिक भिडियो सार्वजनिक भएको छ। जीवन मोक्तानको प्रस्तुतिमा तयार भएको उक्त गीतले प्रेम, आकर्षण र भावनात्मक सम्बन्धलाई सांगीतिक माध्यमबाट प्रस्तुत गरेको छ।
तामाङ गीतसंगीतप्रेमी दर्शक तथा श्रोतामाझ लक्षित यस गीतको भिडियोमा मोडल जीवन मोक्तान र सृजना घिसिङ मुख्य भूमिकामा देखिएका छन्। प्रेमिल भाव, आकर्षक दृश्य र कलाकारहरूको प्रस्तुतिमार्फत गीतले मायाप्रेममा जोडिएका भावना र सम्बन्धलाई चित्रण गर्ने प्रयास गरेको छ।
गीतको कथा तथा निर्देशन पल्देन लामाले गरेका हुन्। देवराज स्याङ्तानको शब्द रचना रहेको गीतमा जोगलाल लामा र जितु लोप्चनको स्वर रहेको छ। गीतमा जोगलाल लामाले संगीत तथा संगीत संयोजन गरेका छन्।
त्यसैगरी, गीतको मिक्सिङ तथा मास्टरिङ अर्पण थिङले गरेका छन्। भिडियोको छायांकन दुर्गा श्रेष्ठले गरेका छन् भने ड्रोन छायांकन बिकास सिंतानले गरेका छन्। मेकअपमा सपाना लम्साल तथा सम्पादन, कलर र पोस्टर डिजाइनमा अनिल बिष्ट प्युठानीले काम गरेका छन्।
तामाङ भाषा, संस्कृति र मौलिक सांगीतिक पहिचानलाई गीतसंगीतमार्फत प्रवर्द्धन गर्ने उद्देश्यसहित निर्माण गरिएको यस गीतले तामाङ मायाप्रेम संगीतको क्षेत्रमा आफ्नो उपस्थिति जनाएको छ। नयाँ पुस्ताका दर्शक तथा तामाङ गीतसंगीतप्रेमीमाझ गीतले कस्तो प्रभाव पार्छ भन्ने कुरा आगामी दिनमा दर्शकको प्रतिक्रियाले देखाउनेछ।
‘दोङराप स्हेङला मायाला’को म्युजिक भिडियो ‘सोम वाइबा अफिसियल’ युट्युब च्यानलमार्फत सार्वजनिक गरिएको छ।
भिडियो हेर्नुस्।
