तेमाल सरकारको निर्णयः सडकसिमा भित्रका घर टहरा हटाउन ३५ दिनको समयसिमा

तेमाल– काभ्रे जिल्लाको तेमाल गाउँपालिकाले भकुण्डेबेशी मेच्छे मुक्पाटार तित्रेटार माम्ती सडक खण्डको सिमाभित्रका घर, टहरा लगायतका भौतिक संरचना हटाउन ३५ दिनको अल्टिमेटम दिएको छ । गाउँपालिकाका प्रमुख प्रशासकीय अधिकृत पवनकुमार प्याकुरेले सोमबार एक सूचना जारी गर्दै सो अल्टिमेटम दिएको हो ।

मिति २०८० साल चैत्र ५ गते बसेको कार्यपालिकाको बैठकले सो निर्णय गरेको सूचनामा भनिएको छ । ३५ दिन भित्रमा सडक खाली नगरे गाउँपालिकाले नेपाल सरकारले निर्धारण गरिएको मापदण्ड अनुसार हटाउन र भत्काउने सूचनामा उल्लेख छ ।

सूचनमा भनिएको छ, ‘प्रस्तुत विषयमा संघीय सडक सुपरिवेक्षण तथा अनुगमन कार्यालय, सडक डिभिजन भक्तपुरको ठेक्का नं. DROBKT/33701176/078/79-26 बाट विस्तार तथा स्तरोन्नती भईरहेको भकुण्डेबेशी मेच्छे मुक्पाटार तित्रेटार माम्ती सडक (Raod upgrading works at Bhakunde-Mechhe-Mukpatar-Titreetar-Mamdi Road Project, Kavre (ch.0+000 to 7+000 & 13+720 to 19+500)सिमाभित्रका घर, टहरा लगायतका भौतिक संरचनाहरु यो सूचना प्रकाशन भएको मितिले ३५ दिन भित्र हटाई सडक खाली गरिदिनका लागि गाउँकार्यपालिकाको मिति २०८०।१२।०५ को निर्णयानुसार सम्बन्धित व्यक्ति, संस्था र निकायका नाममा यो सार्वजनिक सूचना जारी गरिएको छ । उक्त समयभित्र त्यस्तो संरचना नहटाइएमा नेपाल सरकारले निर्धारण गरिएको मापदण्ड अनुसार हटाउन र भत्काउन सकिने बेहोरा समेत सम्बन्धित सबैमा जानकारी गराईन्छ ।’