तेमाल– काभ्रे जोङला तेमाल नाम्सापालिकाला चोहो चन्द्रबहादुर तामाङसे वागमती प्रदेश सरकारसे तामाङ ग्योइत सरकारी मान्यता पिन्सी विसी अर्कु ग्योइतेन समुदाय त थिचोमिचो लापार आता विबास ल्होङमो थान्बामुला । तेमाल नम्सापालिकासे तिनी स्हेङबा ‘भाषा दिवस कार्यक्रम’ री र्हाङला ल्हेङमो थान्बान चोहो तामाङसे थे ल्हेङमो थान्बा हिन्न ।
तेमालरी मुबा खाल्दैनोन लेबा फेबा अलाई बिबान चोहो तामाङसे तामाङ सरकारी घेताङलाई ग्योइ चुबा वागमती प्रदेश सरकार ता थुजेछे बिजी ।
घेताङरी तामाङ कतेसे ङाच्छा ह्यान्देन पहिचानला मुद्दा थोसी सडक आन्दोलनरी वाङबा डान्बान तामाङसे तिनी खासी डाबा सेमरी म्हान्बा ताम थान्जी । ‘ह्याङ तामाङ कते कुनै दुइरी पहिचानला मुद्दा थोसी पुइसी सडक आन्दोलनरी ब्राबा मुबा ।’ र्होसे पाङजी, ‘तिनी वागमती प्रदेश सरकारसे तामाङ ग्योइता सरकारी घेताङला भाषा स्होबा घे लाबासे ह्याङसे तिनी खासी डाबा सेमरी म्हान्जी ।’
थेराङनोन लासी चोहो तामाङसे तिनी ह्यान्दे छार युगरी प्रवेश तापा पाङबान तिनी देन्बा याङताम याङबा छोर्बा ताम लाजी ।
समाचार पढेपछि प्रतिक्रिया लेख्न नभुल्नुहाेला ।
