समुदायमा सचेतना अभिबृद्धिकाे लागि मंगलटार प्रहरीकाे ‘उद्देश्य सहितको हिंडाई’

राेशी– इलाका प्रहरी कार्यालय, मंगलटारले ‘उदेश्य सहितको हिंडाई’ कार्यक्रम सम्पन्न गरेकाे छ । शनिवार प्रहरी कर्मचारीहरुको शारीरि तन्दुरुस्तिका साथै आम समुदायमा फरक ढङ्गले उपस्थित भई समाजमा प्रतिनिधिमूलक गतिविधी / कार्यको माध्यमबाट सचेतना अभिवृद्दि गर्ने उदेश्यका साथ‘उदेश्य सहितको हिंडाई’ कार्यक्रमकाे आयाेजना गरेको इलाका प्रहरी कार्यालय, मंगलटारका प्रमुख इन्स्पेक्टर कृष्ण गिरीले जानकारी दिए ।

इन्स्पेक्टर कृष्ण गिरीका अनुसार यस इप्रका मातहत ५ वटै प्रहरी चौकीहरुबाट एकै साथ एउटै समयमा आ-आफ्नो कार्यक्षेत्र (AOR) को विभिन्न ठाउँहरुमा “WALK FOR PURPOS” कार्यक्रम अन्तरगत गस्ति खटि गई समुदाय प्रहरी साझेदारी कार्यक्रमको अवधारणा बमोजिम समुदायसंगको सहकार्यमा विभिन्न सचेतना मुलक गतिविधिहरु गरिएको बताए ।

यसैबीच यस इप्रका मातहत प्रहरी चौकी भकुण्डेबेशीले स्थानिय, भद्रभलाद्मि, उक्त धामको समितिका पदाधिकारीहरु समेतको उपस्थितिमा नमोबुद्ध न. पा. ४ नौबिसे स्थितमा रहेको “जग बैजेश्वरी त्रिवेणी धाम” को सरसफाई गरिएको छ ।

 प्र.चौ. कटुन्जेवेशीले स्थानिय, भद्रभलाद्मि बुद्दिजिवि समेत भेलाजम्मा भई रोशी ७, कटुन्जे तल्तो बजार स्थित “शिव पार्वति मन्दिर” प्राङ्गणको सरसफाई गरिएको छ भने  प्र.चौ. कानपुरले नमोबुद्ध न.पा. ५ कानपुर स्थितमा “शिव मन्दिर प्राङ्गण, बुद्दचोक लगाएतका स्थानहरु समेतको सरसफाई गरिएको छ ।

 प्र.चौ. पोखरी नारायणस्थानले तेमाल गा.पा. ५ स्थित रहेको श्री सत्यनारायण मन्दिर जाने मार्ग, सो मन्दिरको प्राङ्गण लगाएतको स्थानहरु समेतको सरसफाई गरिएको र प्र.चौ. खहरेपाँगुले स्थानिय, भद्रभलाद्मि समेतको उपस्थितिमा रोशी गा.पा. ५ स्थित रहेको नारायणस्थान मन्दिर प्राङ्गण लगाएतको स्थानहरु समेतको सरसफाई गरिएको प्रहरीले जनाएकाे छ ।