देशैभरिको उत्कृष्ट २७ मा बेथानचाेकका उपाध्यक्ष राना, पहिलो हुनकाे लागि भाेट माग्दै

काे हुन् तारा राना ?

नाम : तारा राना तिमल्सिना

स्थानीय तह: बेथानचोक गाउँपालिका

पद : उपाध्यक्ष

जिल्ला : काभ्रेपलाञ्चोक

प्रदेश: बागमती

मेरो जन्म मध्यम वर्गीय परिवारमा भएको हो । सामाजिक परिवर्तन र उत्पीडित वर्गको हक, हित र अधिकारको लागि मार्क्स, लेनिन, र माओवादका सिद्धान्तबाट प्रभावित भएर म राजनीतिमा आएकी हु।

समाजमा व्याप्त जाति, लैङ्गिक, र वर्गीय भेदभावलाई न्यून गर्नका लागि मैले विपन्न, दलित, जनजाति र एकल महिला कृषकहरूलाई र भैँसी वितरण, , सुन्तला, कागती, किवि जस्ता फलफूल खेती प्रवर्द्धन, न्यायिक कार्य सम्पादन अन्तर्गत दर्ता भएका उजुरीहरूको समाधान, बेथानचोकमा एक घर एक धारा योजना, प्राविधिक शिक्षा, विद्युतीकरणमा काठपोल र फलामको पोल विस्तार गर्ने कार्यहरु सम्पन्न गरिएको छ ।

निष्ठा, त्याग, समर्पण र असल राजनीतिक विचारले मात्र न्यायपूर्ण र प्रगतिशील समाज निर्माण गर्न सकिन्छ।जनप्रतिनिधि हुनु अघि, म शिक्षण पेशा हुदै सहकारी अभियान्ताको रुपमा कार्य सम्पन्न गरेको छु ।स्थानिय सरकार जनताको सबै भन्दा नजिकको सरकार हो यस प्रति जनताको अपार अपेक्षा रहेको छ तर यसलाई आर्थिक र प्रशासनिक ढङ्गले आत्म सक्षम बनाउने तर्फ कसैको ध्यान नगएको देख्दा दुख लाग्छ । स्थानिय सरकार नै समाजवादको आधार हुन् भन्ने कुरा कसरी स्थापित गर्ने होला मलाई यस बिषयले झक्झकाई रहन्छ ।