काठमाडाैं । नेपाल कम्युनिस्ट पार्टी (ने क पा)का प्रदेश र जिल्ला कमिटी एकीकरण प्रतिवेदन धमाधम केन्द्रलार्इ बुझाउँदै छ । जसअन्तर्गत तीन वटा प्रदेशले सर्वसम्मत सिफारिस गरेका छन् । सर्वसम्मत सिफारिस गर्नेहरूमा ३, गण्डकि र ७ नम्बर प्रदेश रहेका छन् । उनीहरूले एकीकरणसम्बन्धी प्रतिवेदन सर्वसम्मत तयार पारेर महासचिव विष्णु पौडेललाई बुझाएका छन् । कतै सर्वसम्मत तयार भएका छन् भने कतै सिफारिसमै विवाद भएको छ ।
प्रदेश नम्बर ३ मा पूर्वएमालेले १० र पूर्वमाअोवादीले १० स्थानमा नेतृत्वको लिने गरि अाइतबार नेकपाका महासचिव बिष्णु पाैडेललार्इ कार्यदलले प्रतिवेदन बुझाएको छ ।
पूर्वएमालेबाट नेतृत्व लिने जिल्लाहरू
- काठमाडौंमा रामशरण ढुंगाना
- मकवानपुरमा बद्री लम्साल
- धादिङमा नेत्रराज पौडेल
- रसुवामा कर्णेल लामा
- सिन्धुपाल्चोकमा झम्क नेपाल
- दोलखामा भीम दाहाल
- ललितपुरमा हरिकृष्ण व्यञ्जनकार
पूर्वमाअोवादीबाट नेतृत्व लिने जिल्लाहरू
- काभ्रेमा सुर्यमान दोङ
- चितवनमा
- सिन्धुलीमा
- रामेछापमा
- नुवाकोटमा
यी स्थानहरूमा पूर्वमाअोवादीले साथै युवा–विद्यार्थी विशेष र मजदुर विशेष जिल्ला कमिटीको नेतृत्व लिने भएको छ । त्यसैगरि भक्तपुर पनि पूर्वएमालेले लिने भएपनि विवादका कारण टुंगिएको छैन् । त्यस्तै चितवनमा माअोवादीले पाउने निश्चित भएपनि विवादका कारण नाम सिफारिस हुन नसकेको एक नेताले बताए ।
त्यसैगरि गण्डकी प्रदेशमा १ सय ८७ सदस्यीय प्रदेश कमिटीमा पूर्वएमालेबाट १ सय २ र माओवादीबाट ८५ जना रहने समझदारी भइसकेको छ । केन्द्रीय सचिवालयबाटै प्रदेश र जिल्लाको नेतृत्व टुंगो लाग्ने गरी पूर्वएमाले र पूर्वमाओवादीले अध्यक्ष र सचिवको छुट्टाछुट्टै नामसहितको सूची बुझाएको छ ।
एकल नाम सिफारिस भएकाहरू
- गोरखामा प्रेम गुरुङ
- कास्कीमा दामोदर बैरागी
- लमजुङमा कृष्णराज अधिकारी
- म्याग्दीमा हरिकृष्ण श्रेष्ठ
- बाग्लुङमा कृष्ण पाठक
- मुस्ताङमा रमेश भट्टचन
- मनाङमा त्रिपल गुरुङ
संयुक्त नाम सिफारिस भएकाहरू
- तनहुँमा भगवती न्यौपाने, विष्णुभक्त सिग्देल, रामचन्द्र तिम्सेना
- पर्वतमा भक्त कुँवर, मेघनाथ सुवेदी
- नवलपुरमा दीपक अधिकारी, जीवन श्रेष्ठ
- स्याङ्जामा रामचन्द्र भट्टराई, कृष्ण खाण र उदय श्रेष्ठ
त्यसैगरि कर्णाली प्रदेशमा १ सय ७५ सदस्यीय कर्णाली प्रदेश कमिटीमा पूर्वमाओवादीबाट ८८ र एमालेबाट ८७ जना रहने र जिल्लाको नेतृत्व बराबर हुने गरी एकीकरण कार्यदलले प्रतिवेदन बुझाएपनि मुगु र कालिकोटको नेतृत्व विवाद बल्झिएपछि जिल्लाको नेतृत्वको नामसहित पुनः प्रतिवेदन बुझाउने गरी कार्यदलले छलफल गरिरहेको छ ।
यसअघि सिफारिस भएकाहरूमध्ये पूर्वएमालेले नेतृत्व लिने जिल्ला
- सुर्खेत
- दैलेख
- डोल्पा
- जुम्ला
यसअघि सिफारिस भएकाहरूमध्ये पूर्वमाओवादीले नेतृत्व लिने जिल्ला
- सल्यान
- जाजरकोट
- पश्चिम रुकुम
- हुम्ला
विवादका कारण टुंगो नलागेका जिल्ला
- मुगु
- कालिकोट
त्यसैगरि प्रदेश ७ कार्यदलले प्रदेश कमिटीका अध्यक्ष र सचिवसहितका सदस्यहरूको नाम सर्वसम्मत टुंगो लगाएको छ । जिल्ला नेतृत्व पनि पूर्वएमाले र पूर्वमाओवादी समूहले सर्वसम्मत भागबन्डा गरी प्रतिवेदन बुझाएको छ । प्रदेश ७ कमिटीको नेतृत्व पूर्वएमालेले गर्ने भएको छ । प्रदेश एकीकरण कार्यदलले अध्यक्षमा कर्णबहादुर थापा र सचिवमा लक्ष्मणदत्त जोशीको नाम सर्वसम्मत सिफारिस गरेको हो । थापा पूर्वएमाले र जोशी पूर्वमाओवादीका नेता हुन् ।
१ सय ८३ सदस्यीय प्रदेश कमिटीमा पूर्वएमालेबाट सय र माओवादीबाट ८३ जना सदस्य रहने गरी कार्यदलले महासचिव पौडेललाई प्रतिवेदन बुझाएको छ ।
पूर्वएमालेले नेतृत्व लिने जिल्ला
- बाजुरा
- अछाम
- डोटी
- कैलाली
- बैतडी
पूर्वमाओवादीले नेतृत्व लिने जिल्ला
- बझाङ,
- डडेल्धुरा
- दार्चुला
- कञ्चनपुर
- खबरडबली डटकमबाट
खबरडबली डटकमबाट
