बेथानचाेक गाउँपालिकाका सबै विद्यालय बन्द हुने

बेथानचाेक– काभ्रे जिल्लाकाे बेथानचाेक गाउँपालिका भित्रका सबै विद्यालयहरु बन्द हुने भएकाे छ । गाउँपालिकाले आज एक सूचना जारी गर्दै सबै विद्यालहरु बन्द हुने जनाएकाे हाे ।

सूचनामा भनिएकाे छ, ‘मिति २०८१-६-११ गते देखि भएको अविरल बर्षाको कारण बेथानचोक गाउँपलिकाको विभिन्न स्थानमा भौतिक तथा मानविय क्षति भएको साथै बिद्यार्थीहरु तथा अभिभावक बाढी पहिरोको चपेटामा परेको हुदा र बिद्यालय भवनहरुमा आवश्यक व्यबस्थापन गर्नु पर्ने भएको हुदा अर्को सूचना प्राप्त नभए सम्मको लागि यस गाउँपालिका अन्तर्गत रहेका सार्वजनिक विद्यालयहरु बन्द हुने व्यहोरा जानकारी गराईन्छ ।’