तामाङ ह्युल्बासे ब्यल्फु ला थुम्सी गोने ला चुमा कुनु ह्रान्तेन् प्रिपा तेन्सी खबा मुला । ब्यल्फु लरी लला म्राप डुङ्ला बिसी सुङ्पा स्याप्पा मुला । गोने लाला छेपा गी ह्रान्ते लला म्राप ठ्वङ्ला बिसी सुङ्पा मुला । नेपाली डेङ चि अन्सर श्रवान भादौरी तामाङ ह्युल्बाला गोने ला तबा मुला । गोने लारी लला दिम् न्हान्बा बिसी ग्राङ् सोऽला मुठारी म्हेन्दो ख्याब्सी सोऽसे झिङ्कटीसे न्हान्पा दिम् थोरी योनोन् चिऽपू अलना दिम थोरी हुर्सी छ्याना लपा मुला ।
चु ठिम् ङहाउसे मुसै दत्ते म्होकोलन् दिम् टिन्से न्हान्मा ह्रान्ते ग्राङ सोऽ म्हैपा ख्लापरी वाङ्पाग्येन मुला । नाम्सारी गी ङ्हि दिम ब्राङ्री चे ग्राङ् सोऽ हुर्सी ह्रिमठिम सोना लपा मुला । दत्ते दिम चे अताना ब्राङ्नोन् टिन्से न्हान्पारी चुपा मुला । थेसे लमा ह्याङ्ला ङ्हाउसे ठिम् म्हासी ग्येन निपा मुला । तामाङ ह्युलबासे छेपा ङ्हा९पंचामी०री यार्खाला मकै स्हिबा ग्ये लला । गोने ल चुमा कुनु ह्रान्तेन् तेमालला गोले कान्छा तामाङसे रेऽदङ्से साङ् लसी खबा मुला । सा जम्बुलिङ्ला सेम्च्यान् थम्चेता ल लु ज्योहो ज्योमो ह्रान्ते ह्राङ्ला ग्युबाता साङ मोने फुल्सी खबा मुला ।
छेपा गी ह्रन्छे ङ्ह्या दोऽना रेदङ्से लसी खबा म्राङ्पा मुला । लामसे गोने लला छेऽपा च्युइरी छेच्युई छ्योइ डोपा शाक्या मुपासे होम् जक्ग्यानोन् लपा मुला । दिम्दिम्री टक्सा९कमेरो० उर साप्ब्र स्वासी मर वाला साप्ब्रासे स्ह्यरी लसी ह्राङ्ला दिम् रङ्का ग्याल्हाम् वाति चाङ्मा स्होसी थन्पा मुला । गोने ङ्ह्या कुनुन् च कन्तुररी युसी थन्पा क्वान्९गोइलो०तेऽसी दिनीरी साङ्पैनोन् म्राङ्पा मुला । चु ह्राङ्पा ठिम्् नम्सा दिम्री म्हापा आरे ल्हेसी टिबन् मुला । ञ्यहा कुनु काँशीला लाऽबा खला बिपै थेमुला । थे लाऽबा ताऽबरिनोन फुसा खबा गोइलो दिनीरी साङ्पा मुन्तला । यम्बु पोकोरीनोन गोने ङ्ह्यारी ल्होल्हो रोऽ फुसी क्वाटी बिसी रोऽला खुकु थुङ्पा ठिम मुला । चुह्राङ लसी चची बिसम तिलै ह्याम्से अस्याप बिमुला । गोने ङ्ह्यालन् दुइसाङ्री गोन्बोरी लामासे साङ् छोग फुल्बा ग्ये लपा मुला । गोने ङ्ह्यालन् दुइसाङ्री बोन्बोजुगु बोन्बोला गोइलो जामा क्वान्सी स्होर्थोई थोइसी ल्होलो ह्रास्या ह्रोल्मा यान्सी ङ्हा ह्राब्सी ङाम्री मुबा लथान्री निपा मुला ।
गोने ञ्यहारीन् रसुवा जोङला गोसाई कुण्डा खोटाङला हलेसी यम्बुला कुम्वेश्वार सिन्धुपल्चोकला पाँचपोखरी ९लथान गाङ०छ्यो छ्योला लथानरी जात्रा तसी खपा मुला । ह्राङला ङम्री मुपा लथानरी निसी लला ज्याल्वा लसी खपा मुला । सक्सेन् गोले बोन्बो गोसाई कुण्डारी अनी बिसै तेमालला गोले बोम्बो दुवार सिंतेन बाग सिं च लाटा सिं मोक्तानतेन् छ्याम गोसाई कुण्डारी बोन्बो स्होसी निसी बिसी सुङ्पा मुपा । निपा खपा च्युसोम९१३दिन०रेरी दिम्री दोखपा बिसी माम ह्याङ्सीलसे सुङ्पा मुपा । रसुवा जोङ्ला धुन्चे ग्यमसे निमा भैराव कुण्डा म्राङबासे थे ग्यम अनिना यम्बुला गोकर्ण ग्यमसे निपा ङ्हिन्ना बिसी सुङ्पा मुपा । गोने ञ्यहा कुऽनु बोन्बोला दुतुम् थुऽ जुपा रे बिसी सुङ्पा मुला । ह्राङ ह्राङ्ला चेलादा चु रेऽ कुऽनु बुम्बा डुप्सी ह्राङ्से सेऽतेदोनाला ताम लोप्सी पिन्बा लमुला ।
तेमाल ग्योइखररी गोर्गी नारानला लथान मुला । थेरी गोने ञ्यहारी जात्रा तसी खपा मुला । जात्रारी दोखपा ह्युल्बासे तामाङ फापा दोपा व्हाई ह्राङ ह्राङ्ला दाङ्री ९लय० कोसी खपा मुला । चरि मैना चरि लै लै ह्राङपा दाङ लसी व्हाई कोसी छुना लपा मुला । तेमालला गोले बोन्बोसेनोन् तिऽरे ङ्हाच्छा बुम्बा डुप्सी थे ठिग्यम्सेन् लथान्री निपा मुला । तेमाल गाङ्री नारान थान मुला । गोने ञ्यहा कुऽनु नारानथानरी जात्रा तसी खपा मुला । तेमालला नारानथान्री थाह्रेङ् थाह्रेङ्ला ह्रान्तेला बोन्बोजुगु दोखपा खपा मुला । ल ज्यल्सी दोसी खपा दुइरी नाम्साला खिम्चे ढिक्सी ग्यम्री कच्र्योल् स्हेङ्सी थन्पा मुला । बोन्बोसे थेरी पैसर लसी कच्र्योल स्हिसी थेरी पोप्बा जचा ग्रेन्ता छे कुऽसी पिन्पा मुला ।
गोले बोन्बो खप्तामन् लथान्री निमा ह्राङ्ला बुम्बा थोऽसी लथान्री निपा ठिम मुला । ठिरी म्रापा नाङ्साल च ठिरीन् ख्ला थन्पा मुला । नाङ्सालरी छ्युकु बेला बिसी कप्सीरी बोन्बोला ह्युम्९खुयु०से थे नाङ्साल रुङ्सी टितोपा ठिम् मुला । भैरव कुण्डारी माम छयाम् बोर्सी ङ्हा ह्राप्सी टिउ बिसी गोले म्हेम्हे ग्योइरी वाङ्सी लु ङ्यह्न्पो पुख्री डुइसी छेङ्सी बपा म्राङ्सी माम्म्हेम्हेसे ङ्हा ह्राप्बा ख्लासी ह्यर्मा गोलेला म्हेम्हे ङ्यह्न्पोसे छेङ्सी बोर्पा बिसी सुङ्पा मुला । थे तसी गोले बोन्बो ज्योऽसी खब्पातमन् लथान्री निसाई ह्राङ्ला ह्युम छ्याम् अर्बोपा गोलेला ङ्हाउसेलान् ठिम मुला ।
तामाङ ह्युल्बासे डन्तोपा ताम् च चु मुला गोले बोन्बोता गोसाई कुण्डाला ङ्य्हान्पोसे छेङपा आङ्हिन भैरव कुण्डाला ङ्यह्न्पासे गुपा ङ्हिन्ना बिसी डन्तोला । लथान्से दोऽखसी चेखेन् ह्राङ्से योन्पा ह्रोल्मो स्युसी बोन्बोसे ह्राङ्ला ठि फप्ला । गोने ङ्ह्यारी गोलेला दिम्री फल्हार तोन्फुइ ब्रेबु फुल्पातोपा ठिम् मुला । गोलेला दिम्री लबोन्से तोन्फुअी ब्रेबु फुल्पाता फल्हर फुल्पानोन् बिसी सुङ्पा मुला । लबोन्से तोन्फुई ब्रेबु फुल्पातेन् लामासे छोग फुल्पा गिनोन् बिसी सुङ्सी खपा स्यप्पा मुला ।
दाङ्बोरी लतेन् म्हि ह«पह्रुप तसी ताम् पाङ्म्याङ्पा मुबा रो । ल छाङ्पा ह्रिन्छेन्ला बोमो ९जमे० गाङ्सल्मोतेन म्हि ह्रिन्छेन कोलाम्हिला ङ्हाच्छा ब्रेल्साङ तपा मुपा । चिप्रोनामेला काङ्सु म्हिह्रिन्छेनसे हुर्मा गाङ्सालमोला स्ह्याप डोल्जी जामा ह्रान्दे म्हितेन ब्रेल्बु तोइबरि अतानाम बिसी म्हिह्रिन्छेन ग्यम्से गाङ्साल्मो ब्यन्सी बोर्सी लिच्छा चु ह्राङ् लसी गरा लपा बिसी ङ्हा ह्रोल्मोता न्हाङ्री थन्सी मकै सर्ची च्यान्च्यान्से ख्याप्सी जचाजुगुता ओन्पा मुला । तोन्फुअी ब्रेबु फुल्पारी दिम् दाङ्से मिन्दीनाङ् नाङ् ख्राङ्पा मकै गेङ् लङ्अी मोचे आम्पा कटहर ह्राङ्पा दुइरी स्याब्पा सिङ्रो पाङ्रो बपा मुला । डेङ्री ग्येपारी डाङ्ला मुबा मकै छिङ् वmु वmु बपा मुला । ङिस च डेङ्री ग्येला ङ्हि च फ्रुल्र्ला थे बेनान् ग्ला गिरी पोप्सी बेनान् स्हे थाऽपा तुऽब्पा लसी लबोन्से खेऽपा लदाङ् म्हेम्हेदाङ् यपेदाङ् यज्योदाङ् यलेदाङ् ह्रिक्छेन्दाङ् ज्योहो ज्योमोदाङ् नेऽता स्हिप्तादाङ् मिन्एन् दाङ्से ल्हाप्तेरी बोलसी ख्वारार ख्युरूरु थन्सी बोर्पा लबा मुला ।
ठिरी छ्याङते थन्सी ठि स्होसी खर्बा गिरी मोने म्ला युसी खर्बा गिरी म्लातेन् छिङ् मकै फ्रुल्सी दोङ्सी थन्पा मुला । ठिरी नाङ्साल म्रसी साङ् ताङ्री साङ् फार्सी लबोन्से लता म्हेम्हेजुगुता ज्योहो ज्योमोदाङ् नेऽता स्हिप्तता छपा मुला । लबोन्से छपा जिन्ना लसी छिङ् मकैला टिका थन्सी ग्येतङ् थुम्ना लपा मुला । थेरी पोप तबा गन्बा उईमे जचा ग्रेन् म्होक्कोतन ज्योहो दाङ्री थन्पा बो ह्रान्ते दुइसी जुसी चसी गोने ञ्यहा तेन्सी खपा मुला । नेपालरी तामाङ ह्युल्बा बिमा स्ह्यान्दो ह्युबाससेनोन् गोने ञ्यहा तेन्सी खपा मुला । गोने ञ्यहादा ह्रोङ्ला ज्यर्तीसे जनै पुर्णीमा बिसी जनै पोपा ग्ये लपा मुला । गोने ङ्ह्यातान थेनिसे रक्षा बन्धननोन बिपा मुला । तामाङला च गोने ञ्यहा ङ्हिन्ना ।
न्हाङ्करला रेरी तामाङ ह्युल्बासे तेन्सी खपा प्रिप आम्हा च बि अखम् । रेऽदङ्से ह्राङ्ला ह्रिम् ठिम् ख्लासी निपा म्हि ल्हामा तसी निबगेन् मुला । म्हिला पे ठिम्री ताङ्सी ह्राङ्ला ठिम म्लेपा ग्येन निपा मुला । तामाङसे नम्सा दिम्री तिला ठिम मुला बिसी ह्राङ्ला म्हेम्हेला पे ठिम म्हैसी थन्तोपा दत्तेला अवश्यक्ता म्राङ्पा मुला । ह्राङ्ला ह्रिमठिम कैरणता सोना छर्ना ल्हेना लबरि तामाङ ह्युल्सा ज्येना ल्हेना लबरि ङ्हिन्सम । तामाङसे तामाङला ह्राङ्ला दङ्पो म्हेम्हेला पे ह्रिमठिमता ङ्हाच्छा बनोन तोला । आनाम बिसम तामाङ न्हाङ्सी निला म्हासी निला दत्तेला तामाङसे सयर अलजी बिसम लिच्छा खबा तामाङ ह्युल्बसे थ अयाङ ।
थे तसी तामाङ ह्युल्बसे दिङ गिरी च्युङ्ङिह ला खला लारी दोब्पा गि ङ्ह्या गि खला छेऽपातेन ह्योल्पा लसी च्युइ ङिह ब्ली छेच्युइ खला खब्पा छेच्युइ तेन्ना खब्पा अतेन लिच्छाला तामाङ कोलता दत्ते मुपा तामाङसे ग्यम उन्खम्तोला । ह्राङ्ला ठिम ह्युल्सारी सोना छर्ना ल्हेना ग्येना लबरि दरेला तामाङसेन ङ्हाच्छा वाङ्सी ग्ये लतोसेला मुला । म्हेनिङ दशै चमा ह्राङ गोने ञ्यहा जनै पुर्णेतेन रक्षा बन्धनदसे थ चकै ङला ज्यपाडन्बा
