भक्तपुर । दोस्रो उपत्यकाब्यापी कराते तथा किक बक्सिङ प्रतियोगिताको उपाधी भक्तपुर नगरपालिका डोजोले उचालेको छ । विद्या आर्जन डोजोको आयोजनामा भएको कराते तथा किक बक्सिङ प्रतियोगितामा भक्तपुर नगरपालिका डोजोको ६ वटा स्वर्ण सहित प्रथम भएको छ भने थिमी डोजो ३ स्वर्ण सहित दोस्रो भएको छ भने भक्तपुर मेन डोजो ३ नै स्वर्ण सहित तेस्रो भएको छ ।
खेलमा महिला तर्फ २० केजी देखि ६० केजी र खुल्ला र पुरुष तर्फ पनि २० केजी देखि ६० केजी सम्म र खुल्ला तर्फको खेल भएको थियो । साथै महिला पुरुष दुवैको एकल काता सहभागी रहेको थियो । यसका साथै खेलमा विद्यालय तर्फ भने उमेर समूह अन्तर्गतको उपाधी हिम शिखर स्कुलले उचालेको छ ।
छात्रा तर्फ ७ बर्ष देखि १२ बर्ष सम्म र छात्र तर्फको ६ बर्ष देखि १२ बर्ष सम्मका विद्यार्थीहरु विच भएको खेलमा विद्यालय तर्फ टिम प्रथम हिमशिखर स्कुल भएको थियो भने टिम द्दितिय विद्या आर्जन स्कुल भएको थियो । यस्तै उक्त प्रतियोगितामा तृत्तिय भने समता शिक्षा निकेतन भएको थियो ।
उमेर समुह अन्तर्गत भएका खेलमा छात्र तर्फ ७ बर्ष देखि १२ सम्मका खेलाडी सहभागी रहेका थिए भने छात्रा तर्फ भने ६ बर्ष देखि १२ बर्ष सम्मका खेलाडी सहभागी रहेका थिए ।
यस्तै खेलमा महिला किक बक्सिङमा ४५ केजी र ५० केजी पुरुषमा ४५, ५० ५५ केजी खेल खेलाईएको थियो ।
खेलमा ४१ वटा स्वर्ण पदकका लागि खेल भएको खेलका संयोजक सूर्य लामाले जानकारी दिए ।
यस्तै खेलको समापन कार्यक्रममा तामाङ चलचित्र संघका अध्यक्ष विकु थोकरले खेलको विकास जव सम्म नेपालमा हुन् सक्दैन तव सम्म हाम्रो विकास नहुने बताएका थिए । उनले राष्ट्रका लागि खेल स्वास्थ्यका लागि खेल भन्ने नारालाई नारामा मात्र नभएर ब्यवहारमा पनि उतार्नु पर्ने बताएका थिए ।

Comments

comments