काभ्रे उद्योग बाणिज्य संघको आयोजनामा पाँचौं काभ्रे महोत्सव सोमबारबाट सुरु भएको छ । आगामी असोज १५ गतेसम्म चल्ने महोत्सको उद्घाटन एक समारोहका बीच बागमती प्रदेश सरकारका उद्योग वाणिज्य तथा आपुर्ति मन्त्री मिलनबाबु श्रेष्ठले गरेका थिए ।
कार्यक्रममा जिल्ला समन्वय समिति प्रमुख दिपक गौतम, नगर प्रमुखहरु बनेपाका शान्तिरत्न शाक्य, पनौतीका रामशरण भण्डारी, धुलिखेलका अशोक ब्याञ्जु, प्रमुख जिल्ला अधिकारी हुमकला पाण्डे, पत्रकार महासंघका अध्यक्ष बद्रिराज तिमल्सिना, नेपाल उद्योग वाणिज्य संघका उपाध्यक्षहरु दिनेश श्रेष्ठ, अन्जन श्रेष्ठ, रामचन्द्र सांघाई, केन्द्रीय सदस्यहरु सुरकृष्ण बैद्य, दिलसुन्दर श्रेष्ठ लगायतले मन्तव्य राखेका थिए ।
“व्यावसायिक लगानी अभिवृद्धि, काभ्रेको समुन्नति र समृद्धि” भन्ने मूल नाराका साथ काभ्रेको परम्परागत कला सस्कृति, औद्योगीक व्यापार, घरेलु, कृषि, पर्यटन प्रर्वद्धनको निमित्त काभ्रे महोत्सव २०७९ आयोजना गरिएको काभ्रे उद्योग वाणिज्य संघका अध्यक्ष राजेन्द्र पसछेँले जानकारी दिए । पसछेंका अनुसार आवश्यक प्रक्रिया सकिएसँगैै महोत्सव स्थलमा स्टल निर्माण लगायत अन्य कार्यको तयारी भइरहेको जानकारी दिए । यस महोत्सवमा १०० भन्दा बढी स्टलहरु रहने काभ्रे उद्योग बाणिज्य संघले जानकारी दियो ।
स्थानीय व्यापारी तथा उत्पादनलाई प्राथमिकतामा राख्दै न्युन शुल्क लिएर जिल्ला भरि छरिएर रहेका उद्योग वाणिज्य संघमा दर्ता भएमा व्यवसायहरुलाई स्टल उपलब्ध गराउँदा १५ प्रतिशत छुटको व्यवस्था रहेको महोत्सवमा मानवीय दैनिक जीवनमा प्रयोगमा आउने दैनिक उपभोग्य सामाग्रीहरु, कृषि, घरेलु उद्योग, विभिन्न प्रकारका लत्ता कपडाहरु,खाद्यान्न,अटोमोबाईल,जुत्ताहरु,कृषि तथा हस्तकलाका सामाग्रीहरु, कृषि औजारका सामाग्रीहरुको स्टलहरु राखिनेछन् ।
त्यसैगरी महोत्सवमा बिक्रि हुने सामाग्रीहरुमा विशेष छुटको व्यवस्था हुने उनले बताए । मनोरञ्जनका लागि महोत्सवमा बाल उद्यान, रोटे पिङ, ड्रागन, नाउ, मिनि बञ्जी जम्प, वाटर बल्ब, मिकि माउस, टेम्पोलिङग, स्करपियोको आदिका साथमा राष्ट्रिय तथा स्थानीय कलाकारहरुको हाँस्यव्यङ्ग तथा गीत गायनको बेजोड प्रस्तुति प्रत्येक दिन रहनेछ ।
