काभ्रे जिल्लाको बेथानचोक गाउँपालिका उपाध्यक्ष तारा रानाले विभिन्न योजनाहरुको अनुगमन गरेका छन् । उपाध्यक्ष रानाले गाउँपालिकाको वडा नं. ६ भुग्देउमा पुगेर सडक र स्वास्थ्य चौकीको अनुगमन गरेका हुन् ।
सो अवसरमा रानाले मेधाम्सु कोप्तिल सडक प्रारम्भिक निर्माण कार्यको अनुगमन गरेका छन् । उनले निर्माण कार्यमा संलग्नलाई गुणस्तरीय ढंगले निर्माण गर्न निर्देशन समेत दिएका छन् ।
यसैबीच उपाध्यक्ष रानाले भुग्देउ स्वास्थ्य चौकीको समेत अनुगमन गरेका छन् । अनुगमनको क्रममा आफूले सो स्वास्थ्य चौकीबाट गुणस्तरीय स्वास्थ्य सेवा दिनुको साथै उत्कृष्ट व्यवस्थापन रहेको पाइएको रानाले बताए ।
अनुगमनमा वडा अध्यक्ष विष्णु मोक्तान, प्राविधिक दिपक हुमागाईं, स्थानीय समाजसेवी जीवन लामा, राजकुमार लामा, भिम तामाङ, राजेन्द्र थापा, एकनिधि तिमल्सिना लगायतका सहभागी थिए ।
समाचार पढेपछि प्रतिक्रिया लेख्न नभुल्नुहाेला ।
