कतार । सुपर स्टर डम्फू मिडियाको प्रस्तुति रहेको तामाङ चलचित्र “ङिङ्जे”नेपाल तामाङ महिला घेदुङ कतारको आयोजनामा कतार विशेष प्रदर्शन गर्ने भएको छ।
पेमा लामाकाे प्रस्तुति रहेको तामाङ चलचित्र आगामी २०२३ नोभेम्बर १७ मा सेन्चुरी होटल प्लाजा मलमा कतारको समयमा दिउँसोको ठिक १ बजे प्रदर्शन गर्ने आयोजक समितिले बताएको छ।
चलचित्र ङिङ्जे महानायक अमिर दोङ, सुस्मा थिङ, सजिना लोप्चन, कुईसाङ रुम्बा, पदम दोङ, दीपेन्द्र लोप्चन, सोम मोक्तान, राज गोले, रन्जिता स्याङ्तान, अनिता नेगी, मनिका मोक्तान, भुईसल लामा, माया मोक्तान, दोर्जे मोक्तान, प्रबल थिङ, नोर्साङ दोङ, विशाल थिङ रहेका छन् । त्यस्तै अतिथि कलाकारमा नायिका सुस्मा मोक्तान, रुपा यस घले, पुष्पाञ्जली लोप्चन रहेका छन् ।
नेपाल तामाङ घेदुङ प्रवास कार्यसमिति कतारको भातृसंगठन नेपाल तामाङ महिला घेदुङ प्रवास कार्यसमिति कतारले तामाङ कथानक ङिङ्जे चलचित्र विशेष प्रदर्शन तथा महिला अभिमुखिकरण कार्यक्रम उक्त चलचित्र प्रदर्शन गर्न लागेको हो।
आयोजक समितिले कतारलाई कर्म भुमि बनाएर बस्नु भएको तमाम तामाङ दाजुभाइ तथा दिदिबहिनीहरुलाई उपस्थितिको लागि पनि विशेष अनुरोध गरेका छन् ।
नोभेम्बर 17 शुक्रबारको दिन दोहाबाशी सम्पुर्ण
इच्छुक चलचित्र प्रेमीहरुलाई सहभागिताको लागि सीमित सिट रहेको हुनाले अग्रिम बुकको लागि आयोजक समितिले समाजिक सञ्जाल मार्फत जानकारी दिएको छ।
यस चलचित्र नेपालको विभिन्न ठाउँमा प्रदर्शन भएर प्रवासमा भने पहिलोपटक कतारमा प्रदर्शन हुन लागेको हो।
