बनेपा- काभ्रे जिल्लामा एथलेटिक्स संघकाे अध्यक्षमा विजय लामा चयन भएका छन् । खेलकुद विकास समिति काभ्रेका अध्यक्ष मानबीर तामाङको प्रमुख आतिथ्यता एवम् केन्द्रीय संघका सदस्य देव महर्जनको विशेष आतिथ्यतामा सम्पन्न भेलाले लामालाई अध्यक्षमा चयन गरेकाे हाे ।
संघकाे उपाध्यक्ष विनोद कुमार तामाङ र अलोक तामाङ, सचिव महेश लामा, कोषाध्यक्ष कोपिला तामाङ, सदस्यहरु निङमर तामाङ, सुसन तामाङ, मान बहादुर तामाङ, रोज बहादुर तामाङ रहेका छन् ।
एथलेटिक्स प्रतियोगिता अन्तर्गत समान्यतया ट्रयाक र फिल्ड, रोड रनिङ, क्रस कन्ट्री रनिङ र रेस वकिङ प्रतियोगिताहरू गरिन्छ । काभ्रेमा सबै प्रतियोगिता गर्ने अध्यक्ष लामाले जानकारी गराएका छन् । उनले एथलेटिक्स खेलकाे प्रवर्द्धनका लागि आफू लागिपर्ने बताए ।
समाचार पढेपछि प्रतिक्रिया लेख्न नभुल्नुहाेला ।
