भक्तपुर । तामाङ सांगीतिक क्षेत्रमा दिनप्रतिदिन जस्तै तामाङ गीतहरु अत्याधिक रुपले बजारमा आएको देखिन्छ । साथै फेरि अर्को तामाङ प्रेमभावनाले ओतप्रोत “ङाला तिङरी” बोलको म्युजिक भिडियोको छायांकन हालै सम्पन्न भएको छ। यस गीतका शब्द चर्चित गीतकार कुमार स्याङबाले लेखेका छन् भने संगीत संयोजन चर्चित गायक तथा संगीतकार निमा दोङले गरेका छन्। गीतमा युवा गायक शान्त वाइवा र चर्चित गायिका सुमिना लोको सुमधुर आवाजले यसलाई थप भावपूर्ण बनाएको छ।
भिडियोमा चर्चित मोडल लाक्पा लामा र रस्मिला वाइवा मुख्य भूमिकामा प्रस्तुत भएका छन्, जसले तामाङ संस्कृतिको गहिरो प्रेमभावलाई प्रतिविम्बित गरेका छन्। यस म्युजिक भिडियोको निर्देशन अजय स्याङतानले गरेका हुन्, जसले यसलाई निकै आकर्षक बनाएका छन्। छायांकनको जिम्मा कुशल छायाकार विक्रम लामाले सम्हालेका छन्, जसले भिडियोको दृश्यलाई जीवन्त बनाएका छन्।
यो म्युजिक भिडियोको छायांकन दोलखाको पर्यटकीय स्थल कालिनचोक र काठमाडौंको दरबारमार्गमा गरिएको हो, जसले हिमाल र शहरको सौन्दर्यलाई सँगै समेटेको छ। निर्माण पक्षले यो भिडियो चाँडै नै बजारमा सार्वजनिक गर्ने योजना बनाएको छ, जसले तामाङ प्रेमभाव र सांस्कृतिक पक्षलाई संगीतको माध्यमबाट दर्शकसामु पस्किनेछ।
