सुनापति– रामेछाप जिल्लाकाे सुनापति गाउँपालिकामा रामेछापमा ‘छैठाैं सुनापति राष्ट्रपति रनिङ शिल्ड प्रतियाेगिता–२०८१’ सम्पन्न भएकाे छ । सुनापती गाउँपालिका खेलकुद विकास समितिकाे आयाेजनामा गत शनिबारदेखि सञ्चालन भएकाे साे प्रतियाेगिता साेमबार समापन भएकाे छ ।
समापन कार्यक्रम सुनापति गाउँपालिका खेलकुद विकास समितिकाे अध्यक्ष सुदिप केसीको अध्यक्षतामा र गाउँपालिका अध्यक्ष ठुलो कान्छा ग्याबा तामाङको प्रमुख आतिथ्यतामा सम्पन्न भएको थियाे ।
प्रतियाेगितामा ७ स्वर्ण सहित श्री सतलिङ्गेश्वर मा.वि. प्रथम, ३ स्वर्ण र ४ रजत सहित डहु मा.वि. दोस्रो र ३ स्वर्ण सहित कुशेश्वर मा.वि.तेस्रो भएको छ । कार्यक्रमलाई सम्बाेधन गर्दै अध्यक्ष तामाङले प्रतियाेगितामा भाग लिइ आफ्नाे प्रतिभा देखाउने सबै विद्यार्थीहरुलाई धन्यवाद दिए । विजेता प्रतियाेगीहरुलाई बधाई ज्ञापन गर्दै अध्यक्ष तामाङले खेलक्षेत्रमा विद्यार्थीहरुलाई सहभागी गराउने प्रतिबद्धता जाहेर गरे ।
समापन कार्यक्रममा गाउँपालिका उपाध्यक्ष गीता बिष्ट, वडा अध्यक्षहरु, विभिन्न विद्यालयका विव्यस अध्यक्षहरु, प्रधानाध्यापकहरु, कर्मचारीहरु र विद्यार्थीहरुकाे सहभागीत थियाे ।
समाचार पढेपछि प्रतिक्रिया लेख्न नभुल्नुहाेला ।
