काठमाडौं । तामाङ सेलो बजारमा अर्को नयाँ गीत ‘ल्हासामा सुन छ’ बोलको म्युजिक भिडियो सहित सार्वजनिक भएको छ। ल्होछार पर्व नजिकिँदै गर्दा यो गीत बजारमा ल्याएको हो।
गीतमा तामाङ चलचित्र जगतका चर्चित मेगास्टार नायक कुमार मोक्तान, प्रतिभाशाली मोडल अम्बिका तामाङ, र निर्देशकद्वय प्रतीक ङ्यसुरले अभिनय गरेका छन्। उनीहरूको उत्कृष्ट प्रस्तुति र भावनात्मक अभिनयले भिडियोलाई थप प्रभावशाली बनाएको छ।
शब्द छेडुप लामा मोक्तान र करप रुम्बाकोे रहेको गीतमा
छेडुप लामा मोक्तान,करप रुम्बाकै आवाज
रहेको छ भने संगीत छेडुप लामा मोक्तानकै सिर्जना हो। पवन वाङ लामाको एरेन्ज, दीपेश प्रधानको मिक्सिंग, र त्रिलोक लामाको छायांकनले गीतलाई उच्च स्तरको बनाएको छ।
निर्देशक प्रतीक ङ्यसुरले तामाङ समुदायको मौलिकतालाई आधुनिकता र कलात्मक शैलीमा प्रस्तुत गरेका छन्। भिडियोको पोस्ट प्रोडक्सन NI Production Houseले गरेको हो।
धार्मिक स्थल ठुलो सैलुङको प्राकृतिक सौन्दर्यमा छायांकन गरिएको यो गीतले दर्शकलाई तामाङ समुदायको परम्परागत कला र संस्कृतिको झलक दिन्छ। म्युजिक भिडियो गायक छेडुप लामाको अफिसियल युट्युब च्यानलबाट सार्वजनिक गरिएको छ।
सार्वजनिक भएको यो गीतले तामाङ मात्र नभई सम्पूर्ण नेपाली संगीत क्षेत्रमा छुट्टै प्रभाव पार्ने विश्वास गरिएको छ। अहिले डिजिटल प्लेटफर्महरूमा उपलब्ध रहेको यो गीतले दर्शक-श्रोताहरूबाट सकारात्मक प्रतिक्रिया प्राप्त गरिरहेको छ।
म्युजिक भिडियो हेर्नुस्
