तेमाल- काभ्रे जिल्लाकाे तेमाल गाउँपालिकाकाे गाउँसभाकाे १६ औं अधिवेशन सम्पन्न भएको छ । अधिवेशन अर्धवार्षिक समिक्षा सहित विभिन्न प्रस्तावहरु पारित गर्दै अधिवेशन सम्पन्न भएकाे हाे ।
अधिवेशनमा गाउँपालिका अध्यक्ष चन्द्रबहादुर तामाङले अर्धवार्षिक समिक्षा प्रस्तुत गरेका थिए भने उपाध्यक्ष दलमान थाेकरले प्रस्तावहरु प्रस्तुत गरेका थिए ।
अधिवेशनले आ.व. २०८१।०८२ को अर्धवार्षिक प्रगति समिक्षा, पालिकास्तरीय तथा वडा स्तरीय योजना संशोधन सम्बन्धमा, विपदमा रकमान्तर गर्ने योजना, कर्मचारी O&M, IEE रिपोर्ट स्वीकृत, तेमाल गाउँपालिकाको भूमी विद्येयक, २०८१, लगायत पारित गरेकाे छ ।
अधिवेशनमा गाउँपालिका प्रवक्ता तथा ७ नं वडा अध्यक्ष इन्द्रलाल तामाङले स्वागत गरेकाे थियाे भने १ नं वडा अध्यक्ष ईन्द्र अधिकारी, ९ नं वडा अध्यक्ष चन्द्रबहादुर तामाङले आआफ्नाे भनाई राखेका थिए । कार्यक्रमका सञ्चालन याेगेन्द्र राज गुरुङले गरेका थिए ।
समाचार पढेपछि प्रतिक्रिया लेख्न नभुल्नुहाेला ।
