काठमाडौं ।तामाङ समुदायका चर्चित स्रष्टा अशोक मोक्तानको नयाँ म्युजिक भिडियो ‘ग्याल्मो’ सार्वजनिक भइसकेको छ। प्रेम र सांस्कृतिक भावनालाई समेटिएको यो गीतले तामाङ गीत-संगीतप्रेमीहरूको मन जित्दैछ।
गीतमा अशोक मोक्तान र साङ्गे ब्लोन तामाङको शब्द रहेका छन् भने गायक अशोक मोक्तान र चर्चित गायिका जितु लोप्चनको सुमधुर स्वर रहेको छ। अशोक मोक्तानकै संगीत र दिपेश प्रधानको एरेञ्जमेन्टले गीतलाई थप सुगम र आकर्षक बनाएको छ।
भिडियोमा यशोफ लामा र सुनिता दोङले प्रेमपूर्ण अभिनय गरेका छन्। निर्देशन विक्रम लामाले गरेका यस म्युजिक भिडियोले छायांकनदेखि सम्पादनसम्मका पक्षमा उच्च स्तर कायम गरेको छ।
अशोक मोक्तान अफिसियल युट्युब च्यानलमार्फत सार्वजनिक गरिएको ‘ग्याल्मो’ ले तामाङ समुदायको सांस्कृतिक पहिचान झल्काउँदै प्रेम र भावनाको गहिराइमा डुबाउन सफल भएको छ। यो गीतले संगीतप्रेमीहरूका लागि विशेष प्रस्तुति प्रदान गरेको छ।
