काठमाडौँ– अबदेखि नेकपा एमालेका नेताहरू पार्टीको अनुमति बेगर विदेश भ्रमणमा जान नपाउने भएका छन् । आइतबार बसेको एमाले सचिवालय बैठकले नेताहरूको विदेश भ्रमणबारे आचार संहिता बनाएको हो ।
महासचिव शंकर पोखरेलले पार्टीले बनाएको ‘कोडअफ कन्डक्ट’ (आचारसंहिता)मा जुनसुकै नेताले विदेश जानुपरेमा पार्टीको अनुमति अनिवार्य लिनुपर्ने बताए ।
‘विदेश भ्रमण जानु पूर्व पार्टीसँग अनुमति लिनुपर्ने, कुन संस्थाले कुन प्रयोजनका लागि कार्यक्रम आयोजना गरेको हो भन्ने पर्याप्त जानकारी रहनुपर्ने छ’, महासचिव पोखरेलले भने, ‘विदेश गइसकेपछि पार्टी र मुलुकको प्रतिष्ठा बढाउने भुमिका निर्वाह गर्नुपर्ने र आइसकेपछि व्यवस्थित रिपोर्ट पेस गर्नुपर्ने छ ।’
समाचार पढेपछि प्रतिक्रिया लेख्न नभुल्नुहाेला ।
