बनेपामा भदौ ९ देखि २२ गतेसम्म तीज महोत्सव हुँदै

महोत्सवको उद्घाटन बाग्मती प्रदेशका सामाजिक विकास मन्त्री कन्चनचन्द्र वादेको प्रमुख आतिथ्यतामा हुने भएको छ । महोत्सवमा दैनिक जीवनमा प्रयोग हुने उपभोग्य सामग्री, खाद्यान्न, लत्ताकपडासहित अटोमोबाइल, कृषि तथा हस्तकला सामग्री, कृषि औजार, व्यापार तथा पर्यटकीय सामग्रीसमेतको प्रदर्शनी र बिक्री हुने जनाइएको छ । साथै महोत्सवमा सहभागीलाई विभिन्न सामानमा विशेष छुटको सुविधा उपलब्ध हुनेछ ।

मनोरञ्जनका लागि बालउद्यान, रोटे पिङ, ड्रागन, नाङ, मिनी बन्जी जम्प, वाटर बल, मिकी माउस, टेमपलिङ, स्कर्पियोजस्ता खेलकुद सामग्री रहनेछन् । त्यस्तै प्रत्येक दिन राष्ट्रिय तथा स्थानीय कलाकारको हास्यव्यङ्ग्य र गीत–संगीतका प्रस्तुति पनि हुनेछन् ।

आयोजकले काभ्रे, सिन्धुपाल्चोक, सिन्धुली, दोलखा लगायतका जिल्लाका वासिन्दाले महोत्सवबाट लाभ लिन सक्ने विश्वास लिएका छन् । महोत्सवलाई व्यवस्थित बनाउन प्रवेश शुल्क विद्यार्थीका लागि रु. ५० र सर्वसाधारणका लागि रु. १०० तोकिएको छ भने वृद्धवृद्धाका लागि निःशुल्क प्रवेशको व्यवस्था गरिएको छ । साथै शनिबार विशेष सांस्कृतिक कार्यक्रम हुने आयोजकले जनाएको छ ।