बनेपामा जुवातास खेल्ने खेलाउने ७ जना पक्राउ

बनेपा– काभ्रेपलाञ्चोक जिल्लाको बनेपा नगरपालिका–४ नालामा जुवा (कौडा) खेल्दै गरेको अवस्थामा सात जना व्यक्तिलाई प्रहरीले पक्राउ गरेको छ।

जिल्ला प्रहरी कार्यालय काभ्रेपलाञ्चोकका अनुसार हिजो शुक्रबार साँझ करिब ५:१५ बजे जुवा खेलिरहेको गुप्त सूचना प्राप्त भएपछि प्रहरी टोली घटनास्थल पुगेर उनीहरूलाई नियन्त्रणमा लिएको हो।

प्रहरीले घटनास्थलबाट नगद रु. २ लाख ३८ हजार २ सय १५ रुपैयाँ र कौडा–१६ थान बरामद गरेको जिल्ला प्रहरी कार्यालय काभ्रेका सूचना अधिकारी प्रहरी नायब उपरिक्षक रविन बिष्टले जानकारी दिएका छन्।