‘मञ्जुश्री तत्त्व ज्योतिष शास्त्र’ ग्रन्थ अनुसार यो ‘सिङ्हामुखा’ (सिंहमुखी देवीको तान्त्रिक ‘स्रुङ-खोर्’ (रक्षा चक्र यन्त्र) हो।
मञ्जुश्री तत्त्व ज्योतिषको सिद्धान्त अनुसार यसको खास अर्थ र प्रयोजनलाई हरफमा व्याख्या गर्दा खेरि यस यन्त्रको मुख्य उद्देश्य मानव जीवनमा आइपर्ने तन्त्र-मन्त्र, कालो जादू, नागदोष, ग्रहदोष, र अकाल मृत्यु वा रोग-व्याधिको कारक मानिने ‘दुग्’ (विषक्त/नकारात्मक ऊर्जा) लाई पूर्ण रूपमा शमन गर्नु हो।
तस्बिरको माथिल्लो भागमा रहेकी क्रोधित सिंहमुखी देवीको तीनवटा आँखा र ज्वालामय स्वरूपले पञ्चतत्त्व मध्ये ‘अग्नि तत्त्व’ को प्रखर शक्तिलाई जनाउँछ, जसले ब्रह्माण्डका सबै नकारात्मक र अशुभ प्रभावहरूलाई भस्म पार्छ। देवीको छातीमा रहेको १२x१२ को मन्त्र ग्रिड भित्र अङ्कित तिब्बती बीज-अक्षरहरूले मानिसको ‘सो’ (आयु/जीवन शक्ति), ‘लु’ (स्वास्थ्य) र ‘वाङथाङ’ (आत्मबल) लाई मजबुत बनाउँदै कुनै पनि दिशाबाट आउने कुदृष्टि वा शत्रु बाधालाई छेक्ने अभेद्य सुरक्षा-कवचको काम गर्छन्।
त्यसैगरी यन्त्रको तल्लो भागमा रहेको रातो र नीलो त्रिकोण , ५ अङ्क, ॐ, जस्ता पवित्र अक्षरहरू र त्यसको बीचमा दबाएर राखिएको मानव/दानवीय आकृतिले नागदोष र नौ ग्रह (मेवा-९) को कुप्रभावलाई पूर्ण रूपमा नियन्त्रण वा दबाएर राखेको सङ्केत गर्छ। यस ग्रन्थ अनुसार यो यन्त्रलाई घरको मूल ढोका माथि स्थापना गर्दा वा ताबीजको रूपमा धारण गर्दा वास्तुदोष हट्ने, आकस्मिक दुर्घटना वा भूत-प्रेतको भय नष्ट हुने र परिवारमा सुख-शान्ति तथा कल्याण छाउने तान्त्रिक एवं ज्योतिषीय विश्वास रहेको छ।
समाचार पढेपछि प्रतिक्रिया लेख्न नभुल्नुहाेला ।
