२२ बैशाख २०७७
भुम्लु । काभ्रे जिल्लाको भुम्लु गाउँपालिकामा बाँझो खेतबारीमा खनजोत गरि खेती लगाउँन थालेका छन् । तेमाल अनलाईनसँगको सम्वादमा भुम्लु गाउँपालिका अध्यक्ष गुमनध्वज कुँवरले उक्त कुरा बताएका हुन् ।
‘लकडाउनका कारण गाउँ आएकाहरुले बाँझो खेतबारीमा विभिन्न प्रकारको अन्नबाली लगाउन थालेका छन् ।’ सम्वादतमा अध्यक्ष कुँवरले भने, ‘गाउँको आय बढ्ने भयो । सबैलाई खेतीपाती तिर आकर्षण गरेको छ ।’
आगामी समयमा कृषि क्षेत्रको लागि विशेष योजना लिएर आउने योजनामा रहेको समेत उनले जानकारी दिए ।
राहत होइन रोजगार
लकडाउनका कारण दैनिक ज्यालादारी तथा मजदुरहरुलाई आफूले राहतको सट्टामा रोजगारको व्यवस्था गर्न लागेको अध्यक्ष कुँवरले बताए । राहतको कुरा गर्दा वितरणमै आफूले समस्या देखेपछि रोजगारको व्यवस्था गर्ने योजनामा आफू लागेको बताए । ‘अब रोजगारको व्यवस्था गर्दैछौं ।’ उनले भने, ‘दैनिक रुपमा पैसा चाहिए पनि दिने हो, अनि जतिखेर चाहियो त्यतिखेर नै पैसा दिने व्यवस्था मिलाउँछु ।’
विकास निर्माण कार्य सूचारु
भुम्लुमा विकास निर्माण कार्य पनि सूचारु भएको उनले बताए । विशेष गरेर संघ, प्रदेशको योजनाहरु कार्यन्वयन गर्न शुरु गरेको उनले बताए । ‘अब ७० प्रतिशत योजनाहरु सम्पन्न भइसकेको छ । संझौता गर्न त बाँकी नै छैन ।’ उनले भने, ‘अब सामाजिक दूरी कायम गरेर योजनाहरु कार्यन्वयन गर्ने भनेका छौं । अब शुरु पनि भयो ।’
हेर्नुहोस् भिडियोः
समाचार पढेपछि प्रतिक्रिया लेख्न नभुल्नुहाेला ।
