चौरिदेउराली । तामाङ समुदाकाय साँस्कृतिक पर्व २८५५ औं सोनाम ल्होछारको अबसरमा चौंरीदेउराली गाउँपालिका वडा नं. ६ मा बृहत साँस्कृतिक कार्यक्रम भव्यताका साथ सम्पन्न भएको छ । कार्यक्रम धिनिमहेन्दो तामाङ उत्थान समाजद्वारा आयोजना गरिएको थियो ।
कार्यक्रममा चौरी देउराली गाउँपालिकाका अध्यक्ष दिननाथ गौतमको प्रमुख आतिथ्य, उपाध्यक्ष तारा गौतमको विशेष आतिथ्य र वडाध्यक्ष रेशम चौलागाईं अतिथ्यमा सम्पन्न भएको थियो ।
हाजिरी जवाफमा जागृति मावि प्रथम
सो अवसरमा अन्तर निमावि हाजिरी जवाफ समेत सम्पन्न भएको छ । हाजिरी जवाफ प्रतियोगिता मा ८ वटा बिधालय समाबेश भएको थियो ।
प्रतियोगितामा प्रथम स्थान जागृति मा बि, केउरेनि, दोस्रोमा महाबिष्णु मा बि, तेस्रोमा सुनकोसी आधारभुत विद्यालय र सान्तवना प्रभा उच्च मावि भएको थियो । प्रतियोगिहरुलाई प्रमुख अतिथि गौतमले पुरस्कार वितरण समेत गरेका थिए ।
बुद्धको मुर्ति सिलान्यास
सोही अवसरमा धर्मशाला तथा गौतम बुद्धको प्रतिमुर्ती निर्माणको सिलान्यास अध्यक्ष गौतमले गरे । साथै सोको लागि जग्गा उपलब्ध गराउने ब्यक्तीहरुलाई सम्मान गरिएको थियो ।
कार्यक्रममा बोन्बो, लामा र ताम्बाको झाँकी प्रदर्शन गर्नुको साथै चर्चित गायक अमृत लामा तथा गायिका सुनिमाया मोक्तानको बेजोड प्रस्तुती रहेको थियो । कार्यक्रम संस्थाका अध्यक्ष राजकुमार मोक्तानको अध्यक्षतामा सम्पन्न भएको थियो ।
