काभ्रे । जिल्लाका विज्ञापन नं. १०३ अनुसार परिक्षामा सामेल भएका अस्थायी शिक्षकहरुको नतिजा रोकिएकोमा यथाशिघ्र नतिजा सार्वजनिक गर्न माग गरेको छ ।
काभ्रे जिल्लाका विज्ञापन नं. १०३ का परिक्षार्थी शिक्षकहरुको साेमबार बसेकाे एक भेलाले संघर्ष समिति गठन गर्दै यो माग गरिएको हो । भेलाले विज्ञापन नं. १०३ शिक्षक संघर्ष समिति, काभ्रे समेत गठन गरेको छ । समितिको अध्यक्षमा उमा त्रिपाठी, सचिवमा देवीप्रसाद गौतम, कोषाध्यक्षमा संगीता ठकुरी र सदस्यहरुमा उद्धव प्रसाद अधिकारी, गंगाबहादुर दोङ, स्वस्थानी खड्का, होमबहादुर वाईबा रहेका छन् ।
भेलाले चैत्र ८ गते प्रकाशित काभ्रे जिल्लाको प्राथमिक तहको विज्ञापन नं. १०१ र १०२ को परिक्षा नतिजा प्रकाशित भइसकेको र १०३ को नतिजा रोकिएको हुँदा यथाशिघ्र सत्यतथ्य छानविन गरि नतिजा प्रकाशित गर्नुपर्ने र विज्ञापन नं. १०३ को नतिजा प्रकाशन भएपछि विज्ञापन नं. १०१ र १०२ को शिक्षकहरुसँगै १०३ को शिक्षकहरुलाई पनि नियुक्ति सिफारिस गर्नुपर्ने लगायका माग राखेको छ ।
राहत शिक्षकका कारण अस्थायी शिक्षकहरु विस्थापित हुने
काभ्रे जिल्लाबाट नियम विपरित ७ जना रातह शिक्षहरुले समेत विज्ञापन नं. १०३ को विज्ञापन अनुसारको परिक्षामा सामेल भई पास भएकोमा अब वास्तविक ७ जना अस्थायी शिक्षकहरु विस्थापित हुने भएको छ ।
शिक्षक नेता देखि पार्टी नेतासम्मको पहुँचको आधारमा उनीहरु परिक्षामा सामेल भएपछि यो समस्या आएको हो ।
नियम अनुसार २०७२ असोज २ गतेभित्र दरबन्दीमा कार्यरत रही ०७३ असार १५ गतेसम्म निरन्तर सेवा गरिरहेका प्राथमिक तह तृतीय श्रेणीमा कार्यरत अस्थायी शिक्षकले मात्र विज्ञापन १०३ मा प्रतिस्पर्धा गर्न पाउने नियम छ ।
शिक्षक सेवा आयोगको नियम विपरित परिक्षामा सामेल भएका काभ्रेका शिक्षकहरुमा सावित्री तिमल्सिना, निता अधिकारी (भुर्तेल), यन्द्रकुमारी तिवारी, रञ्जु यादव, कान्छीमाया लामा, हरिप्रसाद खतिवडा र मेनुका तिमल्सिना रहेका छन् ।
कुन नेताका नतामा को पर्छ ?
शिक्षक सेवा आयोगको नियम विपरित परिक्षामा समेत भएका सावित्रि तिमल्सिना नेपाल शिक्षक संघका केन्द्रिय सदस्य नारायण तिमल्सिनाका बहिनी हुन् । त्यसैगरि निता अधिकारी (भुर्तेल) नेपाल शिक्षक संघका जिल्ला सचिव किशोर अधिकारीकी श्रीमती हुन भने इन्द्रकुमारी तिवारी नेपाल शिक्षक संघका केन्द्रिय सदस्य केशव खनालकी श्रीमति हुन् । त्यस्तै रञ्जु यादव, स्रोत व्यक्ति पेशाल यादवकी श्रीमति हुन् भने मेनुका तिमल्सिना नेपाल शिक्षक संघका केन्द्रिय सदस्य नारायण तिमल्सिनाकी बहिनी हुन् ।
१ सय १० जना लिखितमा पास
विज्ञापन नंं. १०३ अनुसार काभ्रेबाट १ सय २० जनाले परिक्षा दिएकोमा १ सय १० जना मात्र पास भएको थियो । आवश्यक शिक्षक दरबन्दी भने ९१ जनाको मात्र थियो । ७५ प्रतिशत आन्तिरिक र २५ प्रतिशत खुल्ला प्रतिस्पर्धाबाट परिक्षामा सामेल भएको थियो ।
प्राविधिक कारणले रोकिएको शिक्षक सेवा आयोगले जनाए पनि राहत शिक्षकले समेत परिक्षामा सामेल भएपछि नतिजा प्रकाशन हुन नसकेको शिक्षकहरुको भनाई छ ।
यस अघि राहत कोटामा शिक्षण पेशामा रहेका ती ७ जनाले सर्वोच्च अदालतमा परिक्षा दिन पाउँभनि दिएको रिटको सुनुवाई गर्दै सर्वोच्च अदालतले परिक्षा दिने व्यवस्था मिलाउन आदेशले दिएको थियो ।
माग पूरा नगरे चरणबद्ध आन्दोलमा जाने चेतावनी
अस्थायी शिक्षकहरुको माग पूरा नगरे चरणबद्ध आन्दोलनमा जाने संघर्ष समितिका अध्यक्ष उमा त्रिपाठीले बताइन् । ‘माग पूरा नगरे हामी शान्तिपूर्ण ढंगले आन्दोलनमा जान बाध्य हुनेछौं ।’ त्रिपाठीले भनिन्, ‘अब हामी चरणबद्ध आन्दोलनको घोषणा गर्छौं, जिम्मेवार शिक्षकको हैसियतले हाम्रो आन्दोलनका कार्यक्रमहरु अघि बढाउनेछौं ।’
