काठमाडौं । छोरी बलात्कार गर्ने लोग्नेलाई जोगाउने कि छोरीका निम्ति लोग्नेविरुद्ध लड्ने भन्ने कठिन मोडमा हुन्छन् आमाहरू । आजको नयाँ पत्रिकामा यो खबर पहिलो पृष्ठमा छ । ०७१ साउन सकिन लाग्दा काभ्रे पनौतीकी एक किशोरीको ‘सुसाइड नोट’ भेटियो । जसमा लेखिएको थियो– ‘हजुरबुबा र बुबाको श्रीमती बनेर बाँच्नुभन्दा मर्नु ठीक लाग्यो ।’ मृत्यु रोज्ने उनको दर्दनाक कथा–व्यथा १० वर्षको उमेरमा आफ्नै ६५ वर्षीय हजुरबाले बलात्कार गरेपछि सुरु भएको थियो । त्यो सिलसिला करिब ६ महिना चल्यो । विदेशमा रहेका बाबु फर्केपछि उनले बाबुलाई त्यो कुरा सुनाइन् । बाबुले ‘त्यति बुढो मान्छेले पनि त्यस्तो गर्छ र ’ भने । उनका बाबुका चार श्रीमती थिए । उनी माइलीपट्टिकी जेठी छोरी थिइन् । १३ वर्षकी हुँदा बाबुले नै उनलाई बलात्कार गरे । उनले आमालाई भनिन्, तर आमाले खासै वास्ता गरिनन् । मामा प्रहरीमा इन्स्पेक्टर थिए । भान्जीको कुरा सुनेपछि उनले पनि ‘यस्तो कुरा गर्दा बेइज्जत हुन्छ, बरु हामी सम्झाइदिउँला’ भनेर कुरा टुंग्याए । तर, बलात्कारको क्रम भने रोकिएन । बाबुले उनलाई गर्भनिरोधक औषधिसमेत खुवाएर बलात्कार गर्ने गरेका थिए । आफ्नो कुरा कसैले पनि नसुनेपछि उनले विष खाएर आत्महत्याको प्रयास गरिन् । तर, उनी मरिनन् । अस्पतालको उपचारबाट अलि ठीक भएपछि असोजमा उनी बाबु र हजुरबुबाविरुद्ध उजुरी गर्न जिल्ला प्रहरी कार्यालय काभ्रे पुगिन् । घटना बाहिर आएलगत्तै हजुरबुबाले आत्महत्या गरे । छोरीलाई न्याय दिलाउन उभिनुको साटो आमाले भनिन्, ‘मैले अरू छोराछोरीलाई पनि हेर्नुपर्छ १’ जिल्ला अदालत काभ्रेले उनका बुबालाई १८ वर्ष कैदको फैसला सुनायो । पुनरावेदन हुँदै सर्वोच्च अदालतसम्म पुगेको यो मुद्दामा सर्वोच्चले पनि जिल्लाकै फैसला सदर गर्यो। बाबु जेल गए, तर आमा पराइ भइन् । राजधानीको एउटा गैरसरकारी संस्थाको संरक्षणमा रहेकी यी बालिका भन्छिन्, ‘आफ्नो भन्ने कोही छैन, जाने ठाउँ कहीँ छैन ।
अञ्जली तामाङ
काभ्रे । जिल्लामा जबरजस्ती करणी गर्ने दुईजना प्रहरीले पक्राउ गरेको छ । पक्राउ पर्नेमा पाँचखाल नगरपालिका वडा नं. १, अनेकोटका ५७ वर्षिय ईमान सिं तामाङ र पाँचखाल नगरपालिका वडा नं. ४ शिखरपुरका ३१ वर्षिय सुन बहादुर लामा रहेका छन् ।
तामाङ र लामा माथि आफूलाई बलात्कार गरेको पिडित महिलाले जाहेरी दिएपछि प्रहरीले पक्राउ गरेको जिल्ला प्रहरी कार्यालय, काभ्रेका सूचना अधिकारी तथा प्रहरी नायब उपरिक्षक (डिएसपी) दिपक गिरीले जानकारी दिए ।

मकै गोड्न बोलाई बलात्कार

ईमान सिं तामाङले २०७६ असार १३ गते बिहान ९ बारीमा मकै गोड्न एक महिलालाई बोलाएका थिए । जिल्ला प्रहरी कार्यालय, काभ्रेका सूचना अधिकारी तथा प्रहरी नायब उपरिक्षक (डिएसपी) गिरीका अनुसार निजको बारीमा मकै गोड्न गई मकै गोडी रहेको समयमा एक्कासी तामाङले मुख थुनेर बलात्कार गरेको जाहेरीमा उल्लेख छ ।
मुख थुनी उक्त महिलालाई जबरजस्ती समाई जबरजस्ती करणी गरे पश्चात भागेर गुहार मागेपछि स्थानीय जम्मा भएका थिए । स्थानीय जम्मा भएपछि आरोपित तामाङ त्यस स्थानबाट भागरेका थिए । किटानी जाहरे पिडित महिलाले दिएपछि तामाङलाई प्रहरीले पक्राउ गरेको थियो । डिएपी गिरिका अनुसार आइतबार पक्राउ गरी जिल्ला अदालत, काभ्रेबाट म्याद थप गरि अनुसन्धान भइरहेको छ ।

विगत ४ वर्षदेखि निरन्तर जबरजस्ती करणी गर्ने पक्राउ

बलात्कारको आरोपमा पक्राउ भएका सुनबहादुर लामाले एक महिलालाई २०७२ सालदेखि निरन्तर बलात्कार गर्दै आएको पिडित महिलाको जाहेरीमा उल्लेख छ ।
प्रहरीका अनुसार लामा २०७२ साल देखि जाहेरवालाकै घरमा कोठा लिई बस्दै आएका थिए । २०७६ साल जेष्ठ २३ गतेको दिन लामाले घर परिवारलाई भोजको निम्तो गरी सबै जना गई भोज खाएर घरमा सुती रहेको अवस्थामा सोही दिनको राती १ बजेको समयमा जबरजस्ती करणी गरेको जाहेरीमा उल्लेख छ ।
आफूले जबरजस्ती गरेको कुरा कसैलाई केही भन्यौ भने मारी दिने धम्की आरोपित लामाले दिएपछि पिडित महिला चुप बसेको तर फेरि असार २६ गते राती ११ बजे फेरी जबरजस्ती करणी गरेपछि प्रहरीकोमा जाहेरी दिन बाध्य भएको बुझिएको छ ।
आरोपित लामालाई पनि आइतबार नै पक्राउ गरि जिल्ला अदालत, काभ्रेमा म्याथ थप गरी अनुसन्धान भइरहेको प्रहरीले जानकारी दिएकाे छ ।
समाचार पढेपछि प्रतिक्रिया लेख्न नभुल्नुहाेला ।