‘जनैपूर्णे जात्रा’का दिन तेमालमा सर्वजनिक विदा

तेमाल । जिल्लाको तेमाल गाउँपालिकाले जनैपूर्णिमाका दिन सार्वजनिक विदा दिने घोषणा गरेको छ । गाउँपालिकाको अध्यक्ष स्तरीय मिति २०७६।०४।२८ गतेको निर्णयानुसार उक्त दिन सार्वजनिक विदा हुने प्रमुख प्रशासकिय अधिकारी नविन गङ्तान लामाद्वारा हस्ताक्षरित सूचनामा उल्लेख छ ।

तेमाल गाउँपालिकाको केन्द्रमा अवस्थित श्री नारायणस्थानको मन्दिर परिसरमा जनै पूर्णिमाको पावन अवसरमा परापूर्वकाल देखि नै जनैपूर्णिमाको दिन जनैपूर्ने धार्मिक जात्रा हुने गरेको छ ।

‘नारायणस्थानमा लाग्ने सो धार्मिक जात्रा÷मेला तेमालको साँस्कृतिक पर्व कै रुपमा विकसित भएको र तेमाल लगायत आसपासको गाउँपालिका तथा नगरपालिका र अन्य छिमेकी जिल्लाबाट समेत दर्शननार्थी भक्तजनहरु उपस्थित भै धार्मिक अनुष्ठान गर्ने गर्दछन् ।’ सूचनामा भनिएको छ, ‘यस जात्रा÷मेलालाई सभ्य, भव्य रुपमा मनाउन जात्रा हुने दिन मिति २०७६ साल श्रावण ३० गते गाउँपालिका अन्तर्गतका सम्पूर्ण कार्यालयहहरु, विद्यालय, बालविकास केन्द्र, वडा कार्यालय र गाउँपालिकाको कार्यालय समेतमा कार्यपालिकाबाट अनुमोदन गर्ने गरी गाउँपालिकाको अध्यक्ष स्तरीय मिति २०७६।०४।२८ गतेको निर्णयानुसार उक्त दिन सार्वजनिक विदा (स्थानीय पर्व विदा) गरिएको व्यहोरा सबैमा जानकारी गराईन्छ ।’