यसअघि सरकारले गणतन्त्र दिवस–२०७४ को अवसरमा घिसिङलाई सुप्रबल जनसेवाश्री पदक प्रदान गरेको थियो । दुई वर्षअघि कार्यकारी निर्देशकमा नियुक्त भएका घिसिङले कुशल व्यवस्थापनमार्फत मुलुकले भोगेको विद्युत् कटौती समस्या समाधानमा योगदान पु¥याउनुभएको थियो । घिसिङको नेतृत्वमा आर्थिक वर्ष २०७२÷७३ मा रु आठ अर्ब ८९ करोड खुद नोक्सानीमा रहेको प्राधिकरण आव २०७३÷७४ मा एक अर्ब ५१ करोड खुद नाफा कमाउन सफल भएको थियो । आव ०७४÷७५ मा प्राधिकरणको नाफा एक अर्ब एक करोड आर्जन हुने प्रक्षेपण गरिएको छ । सञ्चालन नाफा रु सात अर्ब ८६ करोड रहेको छ । घिसिङकै नेतृत्वमा गत आवमा विद्युत् चुहावट २०.४५ प्रतिशतमा सीमित भएको छ । जुन प्राधिकरणको इतिहासमा सबैभन्दा कम चुहावट हो । जसमध्ये प्रसारण र वितरण प्रणालीमा भएको चुहावट क्रमशः करीब ५.५ प्रतिशत र करीब १४.५ प्रतिशत रहेको छ । चालू आवमा विद्युत् चुहावटलाई १८.५ प्रतिशतमा झार्ने लक्ष्य तय गरिएको छ । कार्यकारी निर्देशक घिसिङले दुई बर्षको अवधिमा लोडसेडिङ हटाउन समय वितेको बताउदै आगामी दिनमा प्राधिकरणभित्र रहेको विकृति हटाउने विषयमा आफ्ले ध्यान दिएको बताउनुभयो । उहाँले रामेछाप न्युजसँग कुराकानी गर्दै भन्नुभयो,‘लोडसेडिङ पूर्ण रुपमा हटिसकेको छ, अब देशलाई जलविद्युत मार्फत समृद्ध बनाउनु पर्छ ।’
तेमाल । काभ्रे जिल्लाको तेमाल गाउँपालिकामा नेपाल बिधुत प्राधिकरणका कार्यकारी निर्देशक कुलमान घिसिङ आउने भएको छ । तेमाल क्षेत्रमा बिधुतिय चुलोको बजारमुखी प्रवर्द्धन कार्यक्रम अन्तर्गत बिधुतिय चुलो बितरण एवं शुभराम्भ कार्य उद्घाटन गर्न निर्देशक घिसिङ तेमाल आउन लागेका हुन् ।
तिमाल सामुदायिक ग्रामीण बिधुतिकरण सहकारी संस्था लिका अध्यक्ष सार्कीमा तामाङका अनुसार बिधुतिय चुलोको बजारमुखी प्रवर्द्धन कार्यक्रम घिसिङद्वारा उद्घाटन भएपछि पहिलो चरणमा ३ सय ८४ घर धुरीलाई बिधुतिय चुलो बितरण गरिने बताए ।
यो कार्यक्रम जिआईजेडरइन्डेभको आर्थिक सहयोगमा र सामुदायिक विद्युत उपभोक्ता राष्ट्रिय महासंघ, नेपाल, अजम्मरी बिकास फाउन्डेसनको साझेदारीमा सञ्चालन हुन लागेको तामाङले बताए ।
नेपाल सरकारको २०२२ सम्ममा सबैको भान्छालाई स्वच्छ बनाउने अभियानलाई सहयोग पुर्याउने उदेश्यले यो कार्यक्रम सञ्चालन गर्न लागेको उनले बताए । कार्यक्रम नारायणस्थान मा बि तेमाल–५, काभ्रेमा हुनेछ ।
समाचार पढेपछि प्रतिक्रिया लेख्न नभुल्नुहाेला ।