बौद्धमा भदौ २८ गते ञ्यूङ्नेको महत्वबारे धार्मिक प्रवचन हुदै

बौद्ध, गेलोङ्मा पाल्मो (विक्क्षुणी कमला) कोे जीवनी तथा आर्यअवलोकितेश्वर चेन्रेजिग् बारे दोस्रो भाग र ञ्यूङ्ने (मौनब्रत) उपवासको महत्वको विषय बारे धार्मिक प्रवचन कार्यक्रम हुने भएको छ ।

प्राचीन अनुवाद एकमातृ गुरु संघ, नेपालको आयोजनमा धर्म गुरु आचार्य सर्वजीत गोङ्बाज्यूको मुखारविन्दबाट गेलोङ्मा पाल्मो (विक्क्षुणी कमला) कोे जीवनी तथा आर्यअवलोकितेश्वर चेन्रेजिग् बारे दोस्रो भाग र ञ्यूङ्ने (मौनब्रत) उपवासको महत्वको विषयमा धार्मिक प्रवचन कार्यक्रम हुने भएको छ । कार्यक्रम संस्थाको केन्द्रिय कार्यलय बौद्ध, तामाङ भवनमा हुने भएको छ ।

कार्यक्रम यहि भदौ २८ गते शनिबार दिनको ठिक १२ बजे देखि दिउसो ३ बजे सम्म हुने भएको छ । उक्त कार्यक्रममा उपस्थितको लागि बौद्ध धर्ममा अस्थावान रहेका सम्पूर्ण श्रद्धालु भत्तलजनहरुलाई धर्म श्रवणको निमित्त उपस्थितको लागि सस्थाका अध्यक्ष राजन कुमार तामाङ (सोनम) ले अनुरोध समेत गरेका छन् ।

धर्म गुरु आचार्य सर्वजीत गोङ्बाज्यूको मुखारविन्दबाट गेलोङ्मा पाल्मो (विक्क्षुणी कमला) कोे जीवनी तथा आर्यअवलोकितेश्वर चेन्रेजिग् बारे पहिलो भाग भदौ २२ गते सस्थाको सभाहलमा भएको थियो ।

यस सस्थाले निःशुल्क पठनपाठन समेत गर्दै आइरहेका छन् । सेचेन गुम्बाले उप्लब्ध गराइएका लोपोन ङवाङ ग्यात्सो बाट पठनपाठन भइरहेको छ । दिनको १२ बजे देखि २ बजे सम्म सम्भोटा लिपि प्रशिक्षण (आधारभूत कक्षा), झ्योर्लाेक, २ बजे देखि ३ बजे सम्म म्हाणी मोलम, ३ बजे देखि ५ बजे सम्म च्योइ प्रशिक्षण र प्रत्येक शनिबार बिहान ७ देखि ९ बजे सम्म बालबालिकाहरुका लागि लक्षित गरि मञ्जुश्री धर्म बाल कक्षा समेत संचालन हुँदै आईरहेको संस्थाका महासचिव रोज बहादुर तामाङ (च्याङवा) ले बताए ।

गेलोङ्मा पाल्मो (विक्षुणी कमला) कोे जीवनी तथा आर्यअवलोकितेश्वर चेन्रेजिग् बारे धर्म गुरु आचार्य सर्वजीत गोङ्बाज्यूको मुखरा विन्दबाट प्रवचनको पहिलो भाग