काठमाडौं । प्रधानमन्त्रीले नै असन्तुष्टि व्यक्त गरेपछि उनका सचिवालयका सबै सदस्यले सामूहिक राजीनामा दिएका छन्। प्रधानमन्त्रीले शुक्रबार सल्लाहकार र सचिवालयका सदस्यसँगको छलफलमा आफ्नो असन्तुष्टि व्यक्त गरेका थिए।
ुप्रधानमन्त्रीले नै असन्तुष्टि व्यक्त गरेपछि हामीले छलफल गर्यौं र आजै सामूहिक राजीनामा बुझायौुं, राजीनामा दिने मध्येका एक सदस्यले भने।
यद्यपि, प्रधानमन्त्रीले सबैको राजीनामालाई स्वीकार नगर्ने र केहीलाई भने सचिवालय सदस्यको रुपमा निरन्तरता दिने सम्भावना पनि छ।
प्रधानमन्त्रीका मुख्य सल्लाहकार विष्णु रिमाल छन्। त्यस्तै, परराष्ट्र सल्लाहकार राजन भट्टराई, जनसम्पर्क सल्लाहकार अच्युत मैनाली, प्रेस सल्लाहकार कुन्दन अर्याल, सूचना प्रविधि सल्लाहकार अस्गर अली छन्। सचिवालयमा अन्य सदस्य पनि छन्।
समाचार पढेपछि प्रतिक्रिया लेख्न नभुल्नुहाेला ।
