काठमाडौं । कोरोना भाइरसको संक्रमणको आशंकामा विदेशबाट नेपाल आएका २ जनालाई टेकुस्थित शहीद शुक्रराज ट्रपिकल तथा सरुवा रोग अस्पतालमा भर्ना गरिएको छ । दक्षिण कोरिया र चीनबाट स्वदेश फिर्ता भएका दुईजना नेपालीलाई अस्पताल भर्ना भएकोे अस्पतालका प्रवक्ता अनुप बाँस्तोलाले बताए ।
दक्षिण कोरिया र चीनको कोरोना भाइरस संक्रमण प्रभावित क्षेत्रबाट फर्केका नेपाली नागरिक घर आइसकेपछाडि ज्वरो आउँदा अस्पताल आएका कारण उनीहरुलाई आइसोलेसन वार्डमा राखिएको उनले बताए ।
चीन र कोरियाबाट फर्किएलगत्तै ज्वरो आएपछि उनीहरु स्वास्थ्य परीक्षणका लागि टेकु अस्पताल पुगेका थिए । ती दुई देशबाट आएका २१ जनालाई आइसोलेसन वार्डमा राखिएको उनले बताए ।
उनीहरुको स्वास्थ्य परीक्षणपछि नमुना संकलन गरेर ल्याबमा पठाएकाले सोमबारसम्म रिर्पोट आउने बास्तोलाले बताए ।
समाचार पढेपछि प्रतिक्रिया लेख्न नभुल्नुहाेला ।
