काभ्रे जिल्लामा आज ८२ जना कोरोना भाइरस संक्रमित थपिएको छ । विभिन्न मितिमा ४ महिला र ३ पुरुष गरी ७ जनाको मृत्यु भएको छ ।
स्वास्थ्य कार्यालय, काभ्रेका प्रुमख डा. नरेन्द्रकुमार झाका अनुसार बनेपा नगरपालिकामा सबैभन्दा बढी संक्रमित बनेपा नगरपालिकमा भेटिएको छ ।
झाका अनुसार बनेपा नगरपालिकामा २० महिला, २३ पुरुष, धुलिखेल नगरपालिकामा १० महिला १० पुरुष, रोशी गाउँपालिकामा १ महिला, चौंरीदेउराली गाउँपालिकामा १ पुरुष १ महिला संक्रमित भएका छन् ।
यससँगै काभ्रेमा संक्रमित संख्या ४ हजार ६८ जना जना पुगेको छ । झाका अनुसार जिल्लामा सक्रिय संक्रमित संख्या महिला २ सय ८५ र पूरुष ३ सय ४१ गरी ६ सय २६ पुगेको छ । संक्रमित मध्य अस्पताल आइसोलेशनमा २३ जना र होम आईसोलेशनमा ६ सय ३ जना रहेका छन् ।
७ जनाको मृत्यु
डा. झाका अनुसार जिल्लामा तीनदिनको अवधिमा ७ जनाको मृत्यु भएको छ । मृत्यु हुनेमा महोत्तरी जलेश्वरका ५० वर्षिय महिला, मण्डदेउपुर नगरपालिकाका ७८ वर्षिय पुरुष, बनेपाका ४२ वर्षिय पुरुष, भक्तपुरका ६७ वर्षिय एक पुरुष, बनेपाका ६२ वर्षि महिला, भत्तपुरका ६२ वर्षिय महिला, पनैतीका ८० वर्षिय महिला रहेका छन् । उनीहरु मध्य १ जनाको आइतबार, ३ जनाको सोमबार र ३ जनाको मंगलबार मृत्यु भएको थियो । मृत्यु हुनेहरुको धुलिखेल अस्पताल र शिरमेमोरियल अस्पतालमा उपचारको क्रममा मृत्यु भएको थियो ।

Comments

comments