‘प्रदेश ३ का सांसदहरुको जोडः ‘स्थायी राजधानी तत्काल तोकियोस्’

सांसद लम्क्षण लम्सालले संसदले हस्ताक्षर गरेर बुझाएको निवेदनको सुनुवाई नहुने संसदमा जनताको कुरा कसरी सुनुवाई हुन्छ भन्दै प्रश्न गर्नुभयो । सांसद चन्द्रबहादुर लामाले तत्काल कार्यसूचीमा ल्याउन माग गर्नुभयो । कांग्रेस सासद बिजुला बर्माले राजधानीको बिषय नटुंगिदा संसदको कार्यक्षमतामा नै ह्रास आएको अनुभव सुनाउनुभयो । मंगलबारको बैठकमा सांंसदहरु गणेशप्रसाद दुलाल र हिरानाथ खतिवडाले पटक पटक राजधानीको बारेमा कुरा उठेकाले बिषयवस्तु संसदमा प्रवेश गर्न अनुरोध गर्नुभयो ।

सोमबारको बैठकमा जवाफ दिदै आन्तरिक मामिला तथा कानून मन्त्री शालिकराम जम्कट्टेल उपयुक्त समयमा स्थायी राजधानीबारे निर्णय लिने बताउनुभएको थियो । राजधानी सम्भाव्यता अध्ययन विशेष समितिले जेठ २६ गते नैे सभामुखलाई प्रतिवेदन बुझाइसकेको छ । अध्ययन समिति बनाउने प्रदेश सभाको निर्णयको विरुद्धमा उच्च अदालत पाटनको हेटौंडा इजलासमा रिट दायर भएको कारण देखाउदै समितिको प्रतिवेदन सभामा पेश हुन रोकिंदै आएको छ ।